ايه اللي بيعمله هذا الشاب ؟
وايه اللي بيعمله هذا الرجل ؟
وايه الحالة اللي فيها هذه السيدة ؟
واين هذا المكان اصلا ؟
هذه الصورة نشرتها صحيفة المصري اليوم من كام يوم في اخر صفحاتها
طبعا المتأمل فيها يجد فعلا ان هذا ما يحدث في الموالد والاعياد الهابلة اللي بتتعمل في المساجد الكبيرة الموجودة في مصر

وتقريبا الصورة دي فكرتني بحكاية مولد اليهود اللي بيعملوه عندنا في مصر
تقريبا هما بيعملوا حاجات زي دي وهذا ما سمعته من سكان البلدة اللي فيها هذا المولد

وبعيدا عن الجزمة بتاعة الراجل اللي محطوطه على مكان السجود
لكن حالة السكر والحشيش والمنظرالقذر ده يخلي الواحد يشعر بالغثيان
هو ده اللي بيحصل في المساجد
وفي مسجد من اكبر واعظم مساجد مصر
الهذا الحد وصل حال البلد ؟
الى المساجد ……..؟

هم يمسكوا في الناس المصلحين اللي بيعدوا في المسجد
انما اللي بيحششوا او اللي بيشيشوا
ما فيش مانع …

يا جماعة هو لو كان حلال ادينا بنشربه
ولو كان حرام ادينا بنحرقوه ولا ايه …..

هذه هي وزارة الاوقاف
اللي وقف وزيرها في مجلس الشعب من كام يوم برده
واخذ في حلف الأيمان والاعراض
ان المساجد في مصر بقى حالها حاجة تانية
وان في نظام واصلاح و…..الخ
الكلام اللي ما فيش منه فايدة ده

انا مش عارف اقول ايه غير …
هذه مصر بلد الحضارة
بلد المش عارف كام مئذنة
والبلد الاسلامية العربية والذي منه والذي منه