بصراحة.. لم أكن أتوقع قرار حبيب العادلي وزير الداخلية بالإفراج عني.. ودلوقتي مش قادرة أصدق إنني في البيت، كنت هاموت وأنا عارفة إن أمي مسافرة لأداء العمرة.. مش عارفة كنت هاعمل إيه من غير ما أودعها ولا أترمي في حضنها.. أنا فعلاً باشكر الوزير علي قراره الإنساني.. حاسة إنني كفرت عن ذنوبي خلال فترة الاعتقال.. ذنوب بشكل عام: كدبة.. مقلب.. كنت أشعر أنني تطهرت من أخطاء وذنوب كثيرة.. أنا أعلنت التوبة خلاص.. إضراب ٤ مايو إيه.. أنا لم أسمع عنه ولن أسمع عنه ولن أشارك فيه مهما حصل ومش هخليك بالبيت في اليوم ده ومش هالبس اسود.. أنا في عملي يوم ٤ مايو توبة من الإضراب والاعتقال.. أنا حرمت خلاص.."

هي دي سارة ياناس
اللي قعدوا يقولوا
رئيسة جمهورية الفيس بوك
وبطلة الابطال
وقائدة الكفاح والمسيرة القادمة
…..
انا لا اهاجم اسراء
ولا اهاجم الاضراب
ولكني اهاجم الزوبعة الكبيرة اللي اتعملت عشان اسراء تخرج
وبعدين تيجي تقول
اشكر وزير الداخلية
ورئيس الجمهورية على حسن المعاملة
وعلى القرار الانساني
ونسيت اسراء ان هؤلاء من افرجوا عنها
هم اللي مودين مصر في ستين داهية
وهم اللي مجوعين شعبها
وهم اللي سمحوا للسارقين بسرقتها
وهم اللي سمحوا للنهابين بنهبها
وهم اللي يتركوا القتلة يسافروا برة يهربوا
ويمنعوا العملماء والاساتذة من السفر
هم اللي يسيبوا بتاع المخدرات يبيع بضاعته
ويروحوا يشتروا منه كمان
ويمسكوا اللي بيدعوا للاصلاح وللعدالة
هم اللي شهد في عصرهم الشعب المصري المآسي والجروح
وغاية الفقر والغلاء والتعب

ومع ذلك نست اسراء كل ذلك في لحظة لقاء مع امها
……
واكرر انا لست اهاجم اسراء البنت التي حرمت من امها
كل اللي بيعتقلوا بيشتاقوا الى اهلهم زي اسراء واكتر كمان
ولكن …
اللي زعلني منها .
انا مش هاعمل كدة تاني
وتوبة .. توبة
وماليش دعوة بالفيس بوك
ولا بالنت اصلا
…………..

ياترى هي دي اسراء
ولا امن الدولة والداخلية ؟؟