في عجيبة لم تحدث من قبل
نائب مجلس الشعب يقدم رسالة الى الرئيس مبارك يؤكد فيها انه بينقل الحقيقة المرة الى الرئيس مبارك
والغريب ان النائب ليس من الاخوان
ولا من المعارضة خالص
ولكنه من الحزب الواطي
ااسف قصدي الحزب الوطني
والنائب ده كان مراقب في انتخابات المحليات
وبيقول وده طبعا صحيح ان نسبة المشاركة لم تتعدى 1% وانه بيطالب الرئيس بعزل جمال وكمال وصفوت وعز وسرور وزكروتا ومحمد كمال وهلال
على اعتبار ان هؤلاء البني ادمين هم اللي بيخبوا على الريس الحقيقة المرة
الحقيقة القاسية
اللي ممكن لو سمعها الريس
ممكن يجي له ازمة قلبية كفى الله الشر
مش بس كدة
النائب المحترم طلب من الريس طلب بسيط جدااا بما انه عضو شريف من الحزب الواطي
ااسف اقصد الوطني
وهمام ومتميز ونشيط و…… الخ
 ان يتم تعيينه رئيسا مؤقتا للحزب الواطي
ااسف اقصد الوطني
لكي يتسنى له القضاء على الفساد بكل اطواره وبكل اجنحته وان يقضي على اباطرة الفساد والمزورين في هذا الحزب الواطي
ااسف اقصد الوطني
وكشف النائب المحترم فضيحة اخرى …. بجد فضيحة رهيبة
ان هؤلاء المقربين من الرئيس ليس مرغوب فيهم من الشعب المصري
يااااااااااااه
ليس مرغوب فيهم يا جماعة
عشان هم اساءوا ونهبوا وافسدوا
ومش كدة وبس
فصلوا ما بيننا وبين رئيسنا وحبيبنا

وفي اخر الرسالة العظيمة
طلب النائب من الرئيس ان يرحم شعبه
ورجاه ان يتخذ قرارات الاصلاح والتصليح قصدي التصحيح
والتخلص من المفسدين

واعلم النائب الرئيس
ان نبرة المطالبة برحيله في ازدياد
وان هناك مصريين شرفاء تحت امرك وتحت امر مصر

الرسالة تنم على ان الرئيس مبارك عايش في الغيبوبة
وان الحاشية اللي حواليه هما اللي بيدوروا البلد لوحدهم
وما لهومش دعوة بمبارك خالص

يعني معنى كدة
ان مبارك مالهوش دعوة بالبلد
ولا باللي عايشين فيها
ولا حتى بالزبالة اللي فيها

يعني الغلاء اللي في البلد مش مسؤلية مبارك
ولا ان اكتر من تلات اربع الشعب عايش تحت خط الفقر مسؤلية مبارك
ولا المحاكمين عسكريا اكتر من 6 مرات في عصر مبارك هم مسؤلية مبارك
ولا حكومة نظيف اللي نازلة في البلد سرقة ونهب من مسؤلية مبارك

مسؤليتي انا ؟؟؟؟؟؟؟؟