طول عمري من صغري وانا واقعي جدااا
او ممكن نقول اني حاولت اتعلم ده في الفترة الاخيرة
اني اكون واقعي او انظر للامور نظرة محايدة
وده وجدته في موقف غريب قابلته انهاردة
طبعا انا من الاسكندرية اعيش فيها
البلد اللي اتولدت فيها
واسكندرية بلد جميلة جداااا
وربنا يحفظ لنا مصر كلها والدول العربية والاسلامية
المهم ….
كنت رايح مشوار في بوكلة
اللي هي اسمها بولكلي
المهم ……
انا راكب مشروع ماشي في شارع ابو قير
وعند محطة سيدي جابر
في كوبري مشاة جديد لسة معمول
وكوبري جميل جدااا
اظن ان ما فيش في مصر كلها منه كتير
طبعا هو بالنسبة للشعب المصري جمييل
لانه اولا منور كويس
كمان السلالم بتاعته كهربائية
ومع ذلك
فالناس مصرة على انها تعبر الطريق مع العربيات
اي نعم .. الكوبري مكانه مش مناسب بالنسبة لمناطق اخرى كتيرة في الاسكندرية
ولكنه اتعمل خلاص
احنا بقى نستغله ونمشي من عليه
لا …..
انا لازم اعدي الشارع
يا عم يهديك يرضيك ….
لا …..
لازم اعديه وهاعديه يعني هاعديه
وعلى الطــ………
ويلعن …..
وطبعا احنا عارفين الشعب المصري واساليبه في الحوار

انا مش هاعلق اكتر من كدة
لأني بصراحة شايف ان الحال لن يتغير الا اذا تغيرنا نحن
ولن ينصلح حال البلد الا اذا انصلح حالنا نحن
وصدق الله اذ يقول : (ان الله لا يغير ما بقوم حتى يغيروا ما بأنفسهم)
وهذا صحيح

وعجبي