بنات الشيشة

كتبهاالبراء ، في 25 يوليو 2008 الساعة: 16:05 م

كنت باتفسح من يومين مع بعض اصحابي اللي بحبهم اوي
وكنا بنتمشى على البحر حوالي الساعة 1 بالليل جايين من سبورتينج رايحين المنشية
طبعا المسافة كانت كبيرة اوي واللك كان على ودنه وطبعا تهاييس اخر الليل كانت شغالة حلو اوي
واحنا ماشيين … صادفنا عدة مواقف كان لازم اقف عندها بحكم سني المراهق ….
انا عارف طبعا وشفت قبل كدة بنات بتشيش كتييييييير
وشفت برده زوجات جالسات مع ازواجهن بشيشوا ده شئ عادي جداااا
ويومها شفت المنظر ده برده بس مش بالظبط
شفت بنت قاعدة ماسكة الشيشة وبتتكلم مع واحد برده ماسك الشيشة ومافيش اي مشاكل بالنسبة له او بالنسبة لها
غير كدة بقى واللي يغيظ ان تقريبا امها وابوها كانوا قاعدين معاهم على نفس الطرابيزة ومافيش معاهم شيشة
فاستغربت بصوت عال مع اصدقائي
فواحد منهم وهو محمد حسين قام قاللي انا شفت افظع من كدة
المحجبات بل المنقبات على شواطئ العجمي بالليل والنهار في ايديهم الشيشة
واحب لو امسك الواحدة منهم اديلها علقة ما خدهاش حمار في مطلع
لولا ان الرجولة تحتم علي عدم الضرب لضربت
وتطرقت ساعتها الى الناس اللي تسئ الى اسمها والى دينها بافعال لا تمس للاخلاق بصلة وتود لو انك فعلا تقوم وتدي لهذا الرجل بالقفة

وللاسف كنت عايز احط صورة تعبر عن المعنى بشكل دقيق
لكن لم اجد صور لطيفة ….

ده من احدى اللطائف اللي قابلتني في الموضوع ده يومها
واللطائف والظرائف كثيرة
ولكن اللي يكتب …

دمتم بخير

أضف الى مفضلتك