صراحة …
الماتش انهاردة كان متميز
يعني نوعا ما كان كويس
بالنسبة لباقي المتشة في الدوري المصري
او على المستوى الافريقي
وفي لقطات في الماتش وقفت عندها عجبتني جدااا
وفي منها استغربته جداا
زي مثلا :::

اجوجو

كل ما بشوف اجوجو ده بفتكر الاغنية اللي بسمعها في المواصلات بتاعة جوجو جوجو
اغنية غريبة جدا
ما علينا
اجوجو حسيت انه مش متكيف لسة مع الفريق
وخصوصا مع جمال حمزة
لسة برده الراجل جاي جديد
ولسة ما خدش على الجو
ولسة قدامه كتير على كدة

بس
تقريبا ما فيش لاعبين تانيين لفتوا نظري في المباراة

لكن برده في حاجات تانية على طول موجودة في التعليق والتصوير
غلطات دائمة من المعلقين
تصوير وحش كل شوية الراجل المخرج يلف على قرايبه بيدور عليهم

برده استوقفني غياب ابو تريكة
ربنا يشفيه
كمان عمرو زكي
ربنا يوفقه في مسيرته الاحترافية
فرحان جدااا لعمرو على سفره وربنا معاه
وان شاء الله نشوفه على الشو تايم في الدوري الانجليزي يتعارك مع روني وكريستيانو رونالدو واللاعيبة الجامدة دي
كمان شيكابالا
اعتقد ان العيب الوحيد في الجدع ده
الاستيقاف اللي كل شوية تلاقيه موقوف
في حد باصصله في لقمته

كمان في حاجة لفتت نظري
هي التشيرتات
التشيرتات طبعا اتغيرت
وتقريبا التصميم بتاعها بقى احلى بالنسبة للفريقين

المهم ان انا كنت داخل الماتش بشجع الاهلي
وبعدين لما الاهلي جاب الجول الاول
زعلت على المالك
وقعدت اشجعه
وبعدين جمال حمزة جاب الجون فرحت
وسبب الفرحة هو ان الاهلي على طول يكسب الزمالك
كان نفسي الزمالك يكسب المرة دي
بس الحمد لله
وعامة انا بميل للاهلي اكتر وبحب اشجعه اكتر من الزمالك
وده بيرجع الى ان نادي الزمالك نادي متخبط
كل الناس بتحارب بعض
تقريبا ما حدش بيحب حد
والله اعلم